თემქაზე მოკლული ანა ნაცვლიშვილის მამა, მამუკა ნაცვლიშვილი, მისი შვილის მკვლელობაში ბრალდებულ ლადო გრიგალაშვილის ადვოკატს, ნაირა ოტიაშვილს სასმართლოში უჩივის.
ნაცვლიშვილი სასამართლოში საჩივარს მას შემდეგ შეიტანს, რაც აღნიშნული მკვლელობის საქმეზე განაჩენი გამოცხადდება.
„განაჩენს ველოდები და მერე მინდა ადვოკატ ნაირა ოტიაშვილს ვუჩივლო. ჩემი შვილის ცხედარი გაცივებული არ იყო, სახლში მესვენა, როცა განაცხადა, „ბე-ემ-ვეში“ ვიღაც უცხო მამაკაცთან იყო ინტიმურ კავშირშიო. პირადი შეურაცხყოფის გამო მან პასუხი უნდა აგოს! ის ადვოკატთა ასაოციაციაში გააფრთხილეს, მაგრამ არ გაჩერდა, ისევ სისულელეებს საუბრობს. ამის მოსმენა ჩემთვის ძალიან ძნელია“, - აცხადებს მამუკა ნაცვლიშვილი.
მან დღეს ადვოკატთან, მაია ქავთარაძესთან ერთად, პრესკონფერენცია გამართა.
ცნობისთვის, 20 წლის ანა ნაცვლიშვილის მკვლელობის საქმეზე მოკლულის შეყვარებული, ლადო გრიგალაშვილი დააკავეს, ის ჩადენილ დანაშაულს არ აღიარებს.
