მაქსიმუმ ერთ წელიწადში ჩვენ საზოგადოებაში ყველას თავისი სახელი ერქმევა და ყველას თავისი ადგილი ექნება, - ამის შესახებ "ქართული ოცნების" თავმჯდომარე ბიძინა ივანიშვილმა სამ ჟურნალისტთან ინტერვიუზე განაცხადა.
მისი თქმით, "რუსთავი 2"-ს არ ექნება საშუალება, რომ მოახერხოს განსხვავებული აზრი არ შევიდეს ტელევიზიაში, რომ ჩაკეტოს და მძევლად აიყვანოს საზოგადოების ძალიან დიდი ნაწილი.
"უფრო მკაცრი მოთხოვნები იქნება "ქართული ოცნების" ყველა წევრის მიმართ. მაქსიმუმ ერთ წელიწადში ჩვენ საზოგადოებაში ყველას თავისი სახელი ერქმევა და ყველას თავის ადგილი ექნება. "რუსთავი 2" ვერ შეძლებს საზოგადოების დიდი ნაწილი მძევლად ჰყავდეს და განსხვავებული აზრი არ მოისმინოს. თითქოს სახელმწიფო სახელმწიფოს ფუნქციას ვეღარ ასრულებს, ვისაც არ უნდა ყველანი ქუჩაში გამოდიან. ბიზნესი, რომელიც არ უხდის ბიუჯეტს ფულს, გარბის "რუსთავი 2"-ზე და იქიდან გვემუქრება. დღეს ისეთი გრძნობა და შეგრძნებაა, თითქოს სახელმწიფო აღარ არსებობს.
მე ვაძლევ საზოგადოებას იმის პირობას, რომ მაქსიმუმ ერთ წელიწადში, მოვახერხებთ ჩვენ გაძლიერებული რეჟიმით რომ ყველაფერს თავის სახელი დაერქვას ამ სახელმწიფოში. რა თქმა უნდა, ასეთი ადამიანები ყველა სახელმწიფოში არიან, ასეთი ტელევიზიებიც ყველა სახელმწიფოში არსებობენ, ჩვენ უნდა მოვახერხოთ, რომ ყველა მოქალაქეს ჰქონდეს შესატყვისი შეფასება და შესატყვისი ადგილი ჩვენს საზოგადოებაში. "რუსთავი 2"-ს არ ექნება საშუალება ამასაც გპირდებით, რომ მოახერხოს განსხვავებული აზრი არ შევიდეს ტელევიზიაში რომ ჩაკეტოს და მძევლად აიყვანოს საზოგადოების ძალიან დიდი ნაწილი", - განაცხადა ივანიშვილმა.
