ჰოლანდიური საკონსულტაციო კომპანია PUM-ის კოორდინატორი ამიერკავკასიაში ოტო ვანეგერი აჭარაში ჩავიდა, ერთ-ერთ სამკერვალო საწარმოს ეწვია და მიმდინარე სამუშაოს პირადად გაეცნო.
სამკერვალო საწარმოში 104 ადამიანია დასაქმებული და ისინი ძირითადად სასკოლო ფორმების შეკერვით არიან დაკავებულნი. სამომავლოდ იგეგმება ქართული ბაზრის პარალელურად ევროპულ ბაზარზე გასვლაც.
ნიდერლანდების სამეფოს სამთავრობო პროგრამა PUM კომპანიებს საშუალებას აძლევს ორი ან მეტი კვირით უფასოდ მოიწვიონ ჰოლანდიელი სპეციალისტები და კონსულტანტები, ასევე ჰოლანდიაში სტაჟირებაზე მიავლინონ თავიანთი თანამშრომლები.
2009 წელს საქართველოს საწარმოებში 40-მდე ჰოლანდიელი სპეციალისტი ჩამოვიდა, 2010 წლისთვის კი დახმარებას დასავლეთ საქართველოში 10-მდე კომპანიას გაუწევს.
