გაერთიანებული ერების ორგანიზაციის სურსათისა და სოფლის მეურნეობის ორგანიზაციის ინფორმაციით, მსოფლიო ბაზარზე საკვები პროდუქტების ფასები იზრდება. ბოლო თვის განმავლობაში ხორბალზე ფასის ზრდა კვების პროდუქტების ღირებულების საშუალოდ 5 %-იანი ზრდა გამოიწვია, რაც 2009 წლის ნოემბრიდან ერთ თვეში ფასების ზრდის ყველაზე მარალი მაჩვენებელია.
აგვისტოში FAO-ს ფასების ინდექსი, რომელიც სასურსათო კალათის ღირებულებას ეფუძნება და რომელშიც შედის ხორბლეული, რძის პროდუქტები, ხორცი, შაქარი, ზეთოვანი კულტურები ივლისთან შედარებით 9 პუნქტით გაიზარდა და 176 პუნქტი შეადგინა. O
ორგანიზაციის ექსპერტების განმარტებით, მსოფლიოში 2010 წლის მარცვლეულის წარმოების პროგნოზი 41 მლნ. ტონით შემცირდა. 2009 წელთან შედარებით, ხორბლის წარმოება 2010 წელს 5%-ით შემცირდება და 646 მლნ. ტონა იქნება.
ყველაზე დიდი დანაკარგები ხორბალზე მოდის. Mარცვლეულის ამ სახეობაზე წარმოება პირველ რიგში რუსეთში და დსთ-ს სხვა ქვეყნებშია შემცირებული.
FAO-ს ექსპერტები მიიჩნევენ, რომ 2010 - 2011 წლებში ხორბლის მოხმარება მის წარმოებაზე მეტი იქნება და აღნიშნული მსოფლიო მარაგების 2 %იან შემცირებას გამოიწვევს. ამ ფონზე სიმინდის წარმოება რეკორდულ მაჩვენებელს- 845 მლნ. ტონას აღწევს
