ოპეკის "კალათის" ფასი უმნიშვნელოდ შეიცვალა. 2010 წლის 1 სექტემბრის მდგომარეობით ოპეკის "კალათის" ფასი 10 ცენტით გაიზარდა და ოფიციალურად 72,49 დოლარი ბარელზე შეადგინა.
შეგახსენებთ, რომ ოპეკის "კალათის" ფასის რეკორდულ მაჩვენებელს შეადგენს 140,73 დოლარი/ბარელზე, რომელიც დაფიქსირდა 2008 წლის 3 ივლისს.
აშშ-ის ენერგეტიკის სამინისტროს მიერ გავრცელებული ინფორმაციის თანახმად, 2010 წლის 21 -27 აგვისტოს კვირის განმავლობაში აშშ-ში ნედლი ნავთობის მარაგები გაიზარდა 3,4 მლნ ბარელით და შეადგენს 361,7 მლნ ბარელს, რაც 5,3 პროცენტით აღემატება გასული წლის ანალოგიური პერიოდის მაჩვენებელს.
ბენზინის მარაგები შემცირდა 0,2 მლნ ბარელით და შეადგენს 225,4 მლნ ბარელს, რაც 9,9 პროცენტით აღემატება გასული წლის ანალოგიური პერიოდის მაჩვენებელს.
დისტილატების მარაგები შემცირდა 0,7 მლნ ბარელით 175,2 მლნ ბარელამდე, რაც 7,1 პროცენტით აღემატება გასული წლის ანალოგიური პერიოდის მაჩვენებელს.
ნავთობის რეზერვების სტრატეგიული მარაგები გასული კვირის განმავლობაში არ შეცვლილა და შეადგენს 726,6 მლნ ბარელს.
კვირის განმავლობაში აშშ-ში ნავთობის მოპოვება გაიზარდა 5,511 მლნ ბარელიდან 5,602 მლნ ბარელამდე/დღეში.
ნავთობის მიწოდება ნავთობგადამამუშავებელ ქარხნებში შემცირდა 14,890 მლნ ბარელიდან 14,822 მლნ ბარელამდე დღე-ღამეში.
ნავთობის იმპორტი შემცირდა 9,849 მლნ ბარელიდან 9,647 მლნ ბარელამდე/დღეში.
