გორის მერმა კონსტანტინე თავზარაშვილმა დევნილებთან შეხვედრისას, სადაც საქართველო ომის დაწყებაში დაადანაშულა, რასისტული განცხადებაც გააკეთა.
კადრებში, რომელსაც ადგილობრივი ტელევიზია ავრცელებს, ჩანს, რომ შეხვედრის ერთ-ერთი მონაწილე მერს ეუბნება, "ჯორჯ ბუშმა მიხეილ სააკაშვილს მოუწოდა ,რუსულ პროვოკაციას არ წამოგებოდა", თავზარაშვილი კი აზუსტებს, რომ კონდოლიზა რაისმაც იგივე თქვა, "ზანგი რომ იყო".
ცნობისთვის, ამავე შეხვედრაზე გორის მერმა თქვა, რომ 2008 წელს პირველი დაბომბვა ცხინვალის მიმართულებით საქართველოს შეიარაღებულმა ძალებმა განახორციელეს.
„ჩვენთან არავინ არ იყო გაფრთხილებული. ხომ შეიძლებოდა აქედან რომ ისვრი იქიდანაც გამოგიშვან საპასუხოდ. აქ რა მოხდებოდა წარმოგიდგენიათ, ხომ? ჩვენ მერე მეორე დილით გავიგეთ, რომ გავიღვიძეთ რვაში ეს რა ხდებოდა, დაიწყო... კაციშვილმა არ ვიცოდით. თქვენ არ იცოდით ჰოო.
ამაზე კითხვას რომ უსმევთ, იმათაც რომ გამოესროლათ ჩვენ რომ აქედან დაბომბვა დავიწყეთ, იმათაც რომ ერთი გამოესროლათ, რა გვეშველებოდა?!“, – თქვა გორის მერმა.
