ამ შემთხვევაში არ დაიცვეს ჩემი უფლებები, არც როგორც ქალის. ზღვა ცილისწამებისა და ლანძღვისა წამოვიდა ჩემზე, – ამის შესახებ დამოუკიდებელმა საპრეზიდენტო კანდიდატმა სალომე ზურაბიშვილმა არასამთავრობო ორგანიზაციების მისამართით განაცხადა.
მისი თქმით, მას უწოდეს რასისტი და ქსენოფობი, რაც არის შეურაცხყოფა არა მხოლოდ მისთვის, არამედ იმ ქვეყნისთვის, რომელსაც 30 წლის მანძილზე წარმოადგენდა.
„მე მქონდა ელჩებთან ორი შეხვედრა, სადაც გავაცანი გვარამიას ტექსტი. ასევე გამოვთქვი მწუხარება, არასამთავრობო ორგანიზაციების მიმართ, რომლებთანაც მომავალში მე დამჭირდება ძალიან მჭიდრო ურთიერთობა, როგორც პრეზიდენტს. ამ შემთხვევაში არ დაიცვეს ჩემი უფლებები, არც როგორც ქალის. ზღვა ცილისწამებისა და ლანძღვისა წამოვიდა ჩემზე. პირადად მე სახელით და გვარით დამარქვეს რასისტი და ქსენოფობი, რაც არის შეურაცხყოფა არა მხოლოდ ჩემთვის, არამედ თუნდაც იმ ქვეყნისთვის, რომელსაც წარმოვადგენდი 30 წლის მანძილზე და რომელმაც ღირსების ორდენი მომანიჭა”, – განაცხადა ზურაბიშვილმა.
