უარეს შემთხვევაში, მეორე ტური იქნება და ჩვენი ფავორიტი სალომე ზურაბიშვილს დაამარცხებს, თუ სალომე ზურაბიშვილი მეორე ტურში საერთოდ გავა, - ამის შესახებ "ევროპული საქართველოს" ერთ-ერთმა ლიდერმა გიგა ბოკერია პარლამენტის თავმჯდომარის, ირაკლი კობახიძის დღევანდელი განცხადების საპასუხოდ აღნიშნა.
მისი თქმით, ბიძინა ივანიშვილის გუნდს ერთადერთი იმედი აქვს, რომ ხალხი არჩევნებზე არ მივა და ადმინისტრაციული რესურსით, მოსყიდვითა და დაშინებით შეძლებენ ვითარების გარდატეხას.
„ქართველმა ხალხმა დაინახა, რომ ამ ადამიანის სახელისუფლებო სადავეებთან მიშვება დამატებითი საფრთხისა და ზიანის მომტანია. დარწმუნებული ვარ, ხალხი არჩევნებზე მოვა. უარეს შემთხვევაში, მეორე ტური იქნება და ჩვენი ფავორიტი სალომე ზურაბიშვილს დაამარცხებს, თუ სალომე ზურაბიშვილი მეორე ტურში საერთოდ გავა”, – განაცხადა ბოკერიამ.
