ხელისუფლების მცდელობა, რომ თითქოს ქვეყანაში მხოლოდ ორი პოლიტიკური პოლუსი არსებობს უსუსურია, ეს ორი პოლუსი უკვე წარსულია, მობეზრდა ხალხს და ვერცერთი ვერ სთავაზობს საზოგადოებას მომავლის ხედვას, - ამის შესახებ "ევროპული საქართველოს" ლიდერმა გიგი უგულავას წინასაარჩევნო გარემოსთან დაკავშირებით განაცხადა.
მისი თქმით, ზრდის ყველაზე მეტი რესურსი აქვს დავით ბაქრაძეს.
„დავით ბაქრაძე კონცენტრირებულია მომავალზე, ის ესაუბრება ხალხს კონკრეტულ თემებზე. ეს არის უცხოეთში მყოფი თანამემამულეების საკითხი, რომლებსაც საზღვარგარეთ უამრავი პრობლემა აქვთ და მათთვის სასიცოცხლოდ მნიშვნელოვანია ლეგალური მუშაობა. პენსია - რადგან განსაკუთრებით მძიმე მდგომარეობაში არიან ხანდაზმული ადამიანები. ღირსების საკითხია ნებისმიერი მტავრობის პირობებში პენსიის გაზრდა, მილიარდელის მტავრობის პირობებში კი 6 წლის განმავლობაში 20 ლარითაც არ არის გაზრდილი. დავით ბაქრაძე კანდიდატებს შორის ყველაზე მეტად არის მზად გაარღვიოს მოჯადოებული წრე - რას ვუპირებთ უმუშევრებს, პენსიონერებს, განათლების სისტემას, ქვეყნის განვითარებას. ხალხი დაღალა ამდენმა ლაპარაკმა მხოლოდ წარსულზე. ამ დღისწესრიგიდან არის გასული დავით ბაქრაძე და სწორედ ამიტომაც აქვს მას ზრდის პერსპექტივა“, - განაცხადა უგულავამ.
