როცა საქართველოს პრემიერ-მინისტრი რუსეთს მოუწოდებს, ჯარები გაიყვანოს, მაგრამ ამავე დროს, საერთაშორისო თანამეგობრობას არ მიმართავს, რუსეთზე ზეწოლა გააძლიეროს, ასევე არ საუბრობს სანქციებზე, როგორც მნიშვნელოვან შემაკავებელ ფაქტორზე რუსეთზე ზეწოლის განხორციელების თვალსაზრისით, ასეთ შემთხვევაში, მის სიტყვებს დამაჯერებლობა აკლია, - ამის შესახებ „ნაციონალური მოძრაობის“ წევრმა სალომე ზურაბიშვილმა გაერო-ში პრემიერ-მინისტრი მამუკა ბახტაძის სიტყვით გამოსვლასის შეფასებისას განაცხადა.
მისი თქმით, პრემიერი არ საუბრობს, რომ საქართველოს ნატო-სა და ევროკავშირში რაც შეიძლება სწრაფი გაწევრიანება სჭირდება. მისივე თქმით, ასევე იმ გეოპოლიტიკურ გამოწვევაზე არ საუბრობს, რომელსაც რუსეთი ქვეყნის საგარეო ორიენტაციის შეცვლის თვალსაზრისით აწარმოებს.
სამადაშვილის თქმით, საქართველოს ყველა მოქალაქეს, ვინც პრემიერს უსმენდა, ალბათ, შთაბეჭდილება დარჩა, რომ სხვა ქვეყნის პრემიერს უსმენდა.
„როცა ქვეყანაში მოსახლეობის 80%-ს მიაჩნია, რომ ქვეყანა არასწორი მიმართულებით ვითარდება, ქვეყნის პრემიერი ბიძინა ივანიშვილმა ერთპიროვნულად დანიშნა და იგივე პრემიერი ზეპარტიულ პრეზიდენტზე გვესაუბრება მაშინ, როცა სახელისუფლებო კანდიდატს მოსახლეობის დიდი უმრავლესობა მხარს არ უჭერს, პრემიერის მხრიდან დემოკრატიაზე საუბარი უხერხულია”, – განაცხადა სამადაშვილმა.
ცნობისთვის, პრემიერ-მინისტრმა მამუკა ბახტაძემ გაერო-ს ტრიბუნიდან მიმართა რუსეთს, შეასრულოს ნაკისრი საერთაშორისო ვალდებულებები და საქართველოს ტერიტორიიდან თავის ჯარები გაიყვანოს.
