ჯერ რაღაცას აკეთებს და ლაპარაკობს, მერე ფიქრობს, - ამის შესახებ "ევროპული საქართველოს" ერთ-ერთმა ლიდერმა გიგა ბოკერიამ ხელისუფლების მისამართით განაცხადა.
მისი თქმით, ხელისუფლებას კანაფის წარმოება-კულტივაციის საკითხზე გაუგებარი იდეების ხროვა აქვს.
„ერთ დღეს ერთს ამბობენ, მეორე დღეს – მეორეს. ეს იმის მაგალითია, „ქართული ოცნებისა“ და ბიძინა ივანიშვილის გუნდი როგორ მოქმედებს. ჯერ რაღაცას აკეთებს და ლაპარაკობს, მერე ფიქრობს. ჯერ გადაიფიქრებს, მერე გადმოიფიქრებს. ჩამოყალიბდნენ, რა ხედვა აქვთ, რას და როგორ აკეთებენ, რომ ამ თემაზე ნორმალური დისკუსია წარიმართოს. საზოგადებას უნდა გააგებინონ, რას აკეთებენ, როგორ და რატომ. ჯერ ხედვა უნდა დადონ და ინფორმირებული დისკუსია შემდეგ უნდა გქონდეს. გაუგებარი იდეების ხროვა აქვთ. კონკრეტული ხედვა წარმოადგინონ და შემდეგ ვიტყვით, ჩვენი პოზიცია როგორია“, – განაცხადა ბოკერიამ პირველ არხს.
