როდესაც გარკვეული ინიციატივა იღებს უარყოფით დატვირთვას საზოგადოების აღქმაში, იქ ჩვენ აუცილებლად უნდა მივაწოდოთ სათანადო ინფორმაცია საზოგადოებას და სულ მცირე, ის უნდა დავამტკიცოთ, რომ ამ ინიციატივას არანაირი უარყოფითი მხარე არ ჰქონდა, - ამის შესახებ საქართველოს პარლამენტის თავმჯდომარე ირაკლი კობახიძემ კანაფის კულტივაციასთან დაკავშირებით განაცხადა.
მისი თქმით, მისთვის აბსოლუტურად გასაგებია საპატრიარქოს კიდევ ერთი განცხადება, რომელიც კანაფის კულტივაცია-ექსპორტის შესახებ კანონპროექტთან დაკავშირებით გაკეთდა.
„როდესაც გარკვეული ინიციატივა იღებს უარყოფით დატვირთვას საზოგადოების აღქმაში, იქ ჩვენ აუცილებლად უნდა მივაწოდოთ სათანადო ინფორმაცია საზოგადოებას და სულ მცირე, ის უნდა დავამტკიცოთ, რომ ამ ინიციატივას არანაირი უარყოფითი მხარე არ ჰქონდა. აქ არც ერთ შემთხვევაში არ იყო საუბარი ნარკოტიკების წარმოებაზე და გავრცელებაზე. ეს არის ჩვენთვის მთავარი და ამ სიმართლეს აუცილებლად დავუმტკიცებთ საზოგადოებას“, – განაცხადა ირაკლი კობახიძემ.
