საქართველოს კომერციული ბანკების მთლიანი აქტივები 6.3 პროცენტით გაიზარდა და 9792.3 მლნ ლარი შეადგინა. საქართველოს ეროვნული ბანკის მონაცემებით, საბანკო სექტორის საკუთარი სახსრები 1636.6 მლნ ლარს შეადგენს, რაც კომერციული ბანკების მთლიანი აქტივების 16.7 პროცენტია.
უცხოური კაპიტალის მონაწილეობამ ბანკების მთლიან განაღდებულ საწესდებო კაპიტალში 79.6 პროცენტი შეადგინა.
2010 წლის 1-ლი აგვისტოს მდგომარეობით, საქართველოს საბანკო სექტორი 19 კომერციული ბანკითაა წარმოდგენილი; მათ შორის 14 - საწესდებო კაპიტალში უცხოური კაპიტალის მონაწილეობით და 2 - უცხოური ბანკის ფილიალით.