ხადას ხეობაში, რაიან და ლორა სმიტების, ასევე მათი მცირეწლოვანი შვილის მკვლელობაში ბრალდებულ მწყემსს, მალხაზ კობაურს ექსპერტიზა, რომლითაც დადგინდება შეუძლია თუ არა მას სქესობრივი აქტის დამყარება, მომდევნო კვირაში ჩაუტარდება. აღნიშნული ინფორმაცია „ჯი-ეიჩ-ენს“ კობაურის ადვოკატმა, ალექსანდრე კობაიძემ მიაწოდა.
მისივე განმარტებით, რამდენიმე დღის წინ დაცვის მხარეს პროკურატურამ სასამართლო-სამედიცინო ექსპერტიზის უახლესი დასკვნა გამოუგზავნა, სადაც წერია, რომ რაიან სმიტის ცხედარზე სამი ჭრილობა ცეცხლსასროლი იარაღიდან, ახლო მანძილიდან არის მიყენებული, დაახლოებით ერთი ან 1,5 მეტრიდან, ასევე ცხედარს სიცოცხლეში ჰქონდა გასროლამდე მიყენებული რამდენიმე დაზიანება, რაც სავარაუდოდ ფიზიკური დაპირისპირების შედეგი იყო, რაც, ადვოკატის თქმით, გარკვეულ კითხვებს ბადებს.
„რაიან სმიტი მოკლულია ზემოდან ქვემოთ, ანუ რას ნიშნავს ეს, კობაური არის დაბალი აღნაგობის, მას ქვემოდან უნდა ესროლა სმიტისთვის. ამას გარდა, სმიტს სიცოცხლის დროს ბლაგვი საგნით მიყენებული დაზიანებები აღენიშნებოდა მუცლისა და ფეხის არეში. ეს კიდევ ერთი არგუმენტია იმისთვის, რომ ვთქვათ, გამორიცხულია კობაურს და გარდაცვლილს ერმანეთში ჭიდაობა დაეწყოთ, ან კობაურს ბლაგვი საგნით მიეყენებინა დაზიანება და მერე ესროლა. ეს თორიულად წარმოუდგენელია.
თუ ის იარაღის მუქარის მეშვეობით დაიჩოქებდა და ასე ესროდა კობაური, სიცოცხლისდროინდელი დაზიანებები საიდან აქვს?“, - განაცხადა კობაიძემ.
