ბუტა რობაქიძის მკვლელობის საქმეზე შსს-ს ყოფილი მარალჩინოსნების მხრიდან სამსახურეობრივი უფლებამოსილების ბოროტად გამოყენების ფაქტზე ერთ-ერთი ბრალდებული, გურამ დონაძე აცხადებს, რომ საქმე გამოძიებული არ არის და პროკურატურა უხერხულ სიტუაციაშია.
„დღეს დაკითხეს გამომძიებელი, რომელიც პროკურატურის ორგანოდან დათხოვნილია, წასულია, როგორც ის ამბობს საკუთარი განცხადების საფუძველზე და აღარ მუშაობს, გამომძიებელია. რატომ აღარ მუშაობს პროკურატურაში, ეს სამწუხაროდ არ ვიცი, მაგრამ ფაქტია, რომ არ მუშაობს. დღეს ვეკითხებოდით ბატონ ლეონიდს, მაგალითად, კახაბერ აზარიაშვილია ერთ-ერთი, რომელიც ავტომობილში იჯდა რობაქიძის გვერდით, ის 2006 წელს წერს პროკურატურაში, რომ მე მანქანაში მაკაროვიც მედოო, მაგრამ იმ დღეს პოლიციამა ეს ვერ იპოვაო. გამომძიებელს ვკითხეთ, როცა აზარიაშვილის ეს წერილი, აღიარებითი ჩვენება იპოვეთ და საქმეში ჩააკარით, ხელმეორე ძიებისას აზარიაშვილი რატომ არ დაიბარეთ და რატომ არკითხეთ, რატომ წერდი, რომ მაკაროვიც გქონდა, ვინ დაგაწერინაო? დაზარალებული მხარე ხომ ამბობს, ზეწოლის გამო დააწერინეს. ვინ გაუკეთა ზეწოლა? უამრავი შეკითხვაა, მაგალითად, რატომ არ არის დაკითხული თბილისის საპატრულო პოლიციის უფროსის მოადგილე, გოგოა გრიგალაშვილი, რომელიც ფირზე ჩანს და არაერთი სხვა ადამიანი. უბრალოდ, ეს ადამიანები სიმართლეს ამბობდნენ, რომ იქ იარაღები იყო და მაშინდელმა გამოძიებამ არ დაკითხა.
შევთანმხდეთ, რომ წინა გამოძიება ჩიხშია, გაკეთებულია და ჩატარებულია კადრების გავრცელებამდე და როგორც უნდოდათ ისე წაიყვანეს. კბილაშვილმა სისხლზე მოსული ხელისუფლება ვართ და ამიტომ ვალში ვართო და ასე წაიყვანა ეს გამოძიება, მაგრამ დღევანდელი პროკურატურა უხერხულ სიტუაციაშია. დღევანდელი პროკურორები აწყდებიან იმასაც, რომ საქმე გამოძიებული არ არის, უამრავი სიყალბე არის მაშინაც ჩადენილი და ახალი გამძიების დროსაც“, - აცხადებს დონაძე.
ცნობისთვის, ბუტა რობაქიძის მკვლელობის საქმეზე სამსახურეობრივი უფლებამოსილების ბოროტად გამოყენებაში 6 პირია ბრალდებული: გურამ დონაძე, ზაზა ბაქრაძე, ზურა მიქაძე, ლევან გვაზავა, ირაკლი ფირცხალავა და დავით იაშვილი არიან ბრალდებული.
ერთ-ერთი ბრალდებული, კრიმინალური პოლიციის ყოფილი უფროსი, ზაზა ბაქრაძე, რომელიც თბილისის საერთაშორისო აეროპორტში 28 თებერვალს დააკავეს, 30 მარტს, 5 000 ლარიანი გირაოს სანაცვლოდ სხდომათა დარბაზიდან გაათავისუფლეს.
