აქ არიან თქვენი კოლეგები სომხეთიდან და აზერბაიჯანიდან, რომლებიც გაოცებულები უყურებენ დღეს საქართველოში რაც ხდება, რაც ძალიან დიდი სირცხვილია - ამის შესახებ რუსული მედიაფორუმის ორგანიზატორმა ეკა ნასყიდაშვილმა ფორუმის საწინააღმდეგო აქციასთან დაკავშირებით განაცხადა.
მისი თქმით, რუსი ჟურნალისტები და ანალიტიკოსები კოლეგებს მხოლოდ ინფორმაციას უცვლიან და პროპაგანდას ადგილი არ აქვს.
„მეოთხე წელიწადია იმართება საქართველოში ეს ღონისძიება და მსგავსი რამ არასოდეს ყოფილა. ნამდვილად არ გვეგონა, თუკი ეს ამბავი მოხდებოდა. აქ არიან თქვენი კოლეგები სომხეთიდან და აზერბაიჯანიდან, რომლებიც გაოცებულები უყურებენ დღეს საქართველოში რაც ხდება, რაც ძალიან დიდი სირცხვილია. წელს რა მოხდა და რატომ მოჰყვა ამას. ძალიან კარგი სპეციალისტები არიან. დეზინფორმაციაზე არ არის აქ პროფესიონალიზმზეა საუბარი. აქ არ არის საუბარი პროპაგანდაზე აქ არის აზრთა გაცვლა-გამოცვლა", - განაცხადა ნასყიდავშვილმა.
ცნობისთვის, საქართველოში მედიაკონფერენცია ტარდება, რომელიც რუსეთის პრეზიდენტის, ვლადიმერ პუტინის ფონდის დაფინანსებით იმართება და რომელსაც ესწრებიან ჟურნალისტები, რომლებიც ოკუპაციას არ აღიარებენ.
დღეს, ფორუმის წინააღმდეგ აქტივისტებმა აქცია გამართეს. აქტივისტები რუსეთის წარმომადგენლების მონაწილეობით მედიაფორუმის საქართველოში გამართვას აპროტესტებენ. ისინი მიიჩნევენ, რომ ღონისძიება რუსული პროპაგანდის გატარებას ემსახურება.
