ჩვენ დღეს გვსურს „ევროპული საქართველოს“ რეკომენდაციებზე გვქონდეს მსჯელობა. თუ გამოინახება თანხვედრა, საერთო პოზიციები ამ რეკომენდაციებთან მიმართებაში, ეს ჩვენთვის მისაღები იქნება, რადგან კომისიის პრესტიჟისთვის, პარლამენტისთვის მნიშვნელოვანია პოზიციების დაახლოება მოხდეს’, - განაცხადა ჟურნალისტებთან ხორავას ქუჩაზე მომხდარი მკვლელობის საქმეზე შექმნილი პარლამენტის დროებითი საგამოძიებო კომისიის წევრმა, ანრი ოხანაშვილმა.
როგორც ის განმარტავს, ის დაეთანხმება რეკომენდაციებს, რომელიც პოლიტიკური ანგაჟირებისგან იქნება დაცლილი. მისივე განმარტებით, საქმის გამოძიების ეტაპზე იყო ხარვეზები, რასაც დასკვნაშიც ასახავენ.
„ჩვენ დოკუმენტი უნდა დავცალოთ პოლიტიკური განცხადებისგან, დოკუმენტი უნდა დავაფუძნოთ ობიექტურ მოცემულობაზე და ფაქტობრივ გარემოებებზე. არსებობს კითხვები, არის ხარვეზები. ჩვენს მიერ წარმოდგენილ დასკვნაში დავადგინეთ, რომ ადგილი ჰქონდა გამოძიების პროცესში ხარვეზებს, რომლებმაც გავლენა მოახდინეს მტკიცებულებათა ხარისხზე. შესაბამისად, ჩვენს მიერ წარმოდგენილ დასკვნაში რეკომენდაციები გავეცით, სადაც საუბარია იამზე, რომ კონკრეტულ გარემოებებთან დაკავშირებით, შესაბამისი უწყების მხრიდან რეაგირება მოხდეს.
ის რაც პარლამენტის კომპეტენცია არაა და საგამოძიებო უწყების კომპეტენციაა, ერთმანეთისგან უნდა იყოს გამიჯნული. ჩვენ ვერ შევითავსებთ საგამოძიებო ორგანოს ფუნქციას. შესაბამისად, ჩვენი ყველა რეკომენდაცია უნდა ეფუძნებოდეს პარლამენტის კომპეტენციის და მისი კომპეტენციის ფარგლებში უნდა იყოს შემუშავებული. მაქვს სურვილი, შევთანხმდეთ ერთიან შეჯერებულ პოზიციაზე.
ზოგადად ფიქსირდება საზოგადოებასთან, დაზარალებულ ოჯახებთან შესაბამისი ორგანოების ნაკლები კომუნიკაციის ნაკლებობა, რაც მნიშვნელოვან პრობლემად მივიჩნიეთ. უნდა წარმართულიყო უფრო ინტენსიური, აქტიური კომუნიკაცია საზოგადოებასთან და დაზარალებულ ოჯახებთან. ის, რომ შინაგან საქმეთა სამინისტრო, ახალი ხელმძღვანელობა აანონსებს მნიშვნელოვან ცვლილებებს გამოძიებაში, მიუთითებს იმაზე, რომ საჭიროა უფრო მეტი რეფორმა, კვალიფიკაციის ამაღლება კონკრეტული პირებისთვის. ასე, რომ ჩვენ ამ საკითხებზე გვაქვს და გვქონია მსჯელობა“, - აცხადებს ოახანაშვილი.
