დიდი იმედით და მოთმინებით ველოდები „ქართული ოცნების“ გადაწყვეტილებას, – ამის შესახებ პრეზიდენტობის დამოუკიდებელმა კანდიდატმა სალომე ზურაბიშვილმა განაცხადა.
მისი თქმით, „ქართული ოცნება“ საპრეზიდენტო კანდიდატის მხარდამჭერის საკითხზე მსჯელობს და ეს სავსებით ნორმალურია.
„არ ვფიქრობ, რომ „ქართული ოცნება“ რამის გამო თავს იკავებს. „ქართული ოცნება“ მსჯელობს ამ საკითხზე და ეს სავსებით ნორმალურია. არაფერი არ ეჩქარებათ და ძალიან დიდი იმედით და მოთმინებით ველოდები მათ გადაწყვეტილებას. ვაგრძელებ ჩემს კამპანიას და ხელმოწერების შეგროვებას“, – განაცხადა ზურაბიშვილმა.
