დღეს, 25 აგვისტოს, 13:00 საათზე, კომპანია "ბილაინი" საუკეთესო ბიზნესპარტნიორებს დააჯილდოებს. დააჯილდოების ცერემონიალლი "ბილაინის" სათავო ოფისში, რუსთაველის 14-ში გაიმართება. გამოვლინდებიან ის საშუალო და მცირე რგანიზაციები, რომლებიც გაყიდვების მიმართულებით, ყველაზე ნაყოფიერად თანამშრომლობენ "ბილაინთან".
გამარჯვებულების გამოვლენა ორ ეტაპად ხდება და მასში მონაწილეობას იღებენ როგორც თბილისში, ასევე საქართველოს სხვადასხვა რეგიონში მოქმედი "ბილაინის" ბიზნესპარტნიორები.
პირველ ადგილზე გასულ ორგანიზაციას პრიზად მანქანა, მეორე ადგილზე გასულს მოტოციკლეტი, ხოლო მესამე ადგილზე გასულს ტელევიზორი გადაეცემა.
"ბილაინისთვის" განსაკუთრებით მნიშვნელოვანია ის ბიზნესპარტნიორები, რომლებიც აქტიურ მონაწილეობას იღებენ "ბილაინის" საქმიანობის გაფართოებაში. ამ ორგანიზაციებსა და მათ თანამშრომლებს განსაკუთრებული წვლილი შეაქვთ ჩვენს ბიზნესგანვითარებში. მიხარია, რომ მაქვს საშუალება, კიდევ ერთხელ გადავუხადო მადლობა მათ, ვინც აქტიურად თანაშრომლობს ჩვენთან და აღვნიშნო, რომ მსგავსი ტიპის წამახალისებელ პრიზებს, კომპანია რეგულარულად დააწესებს", - განაცხადა ბილაინის გენერალურმა დირექტორმა ანდრეი პიატახინმა.