„არასრულწლოვნები საკმაოდ საინტერესო ინფორმაციას გვაძლევენ,“ - ეს განცხადება საგამოძიებო კომისიის ხელმძღვანელმა, სერგი კაპანაძემ დღეს, მორიგი შეხვედრის დაწყებისას ჟურნალისტებთან განაცხადა. საგამოძიებო კომისიის წევრები ხორავას ქუჩაზე მომხდარ ინციდენტში მონაწილე ორ არასრულწლოვანს კითხავენ. როგორც ჟურნალისტებს კომისიის თავმჯდომარემ, სერგი კაპანაძემ განუცხადა, გამოკითხვა ფსიქოლოგების მონაწილეობით ხდება.
"დღეს გამოვკითხავთ ორ არასრულწლოვანს. ესენი არიან უშუალოდ ინციდენტში მონაწილე პირები, 51-ე სკოლის მოსწავლეები, რომლებიც ხორავას ქუჩაზე იმყოფებოდნენ ტრაგედიის დროს.
არასრულწლოვნები საკმაოდ საინტერესო ინფორმაციას გვაძლევენ. ნაწილი ინფორმაციის ემთხვევა რაც ჩვენებებში იყო მიცემული,“ - განაცხადა კაპანაძემ გამოკითხის დაწყებამდე.
მისივე თქმით, საქმეში მონაწილე მ.კ. და გ.მ. ამ დროისთვის კომისიის მიერ გამოკითხულები არ არიან.
