საპარლამენტო უმრავლესობის ლიდერის არჩილ თალაკვაძის განცხადებით, პარლამენტის ადგილსამყოფელსა და ეთიკის საბჭოს საკითხზე კონსულტაციები გაიმართება.
მისი თქმით, ახალ რეგლამენტს მნიშვნელოვანი სიახლეები შემოაქვს, პარლამენტში პოლიტიკა უფრო საქმიანი იქნება.
„მზად ვართ, არგუმენტები გავცვალოთ. ახალ რეგლამენტს ძალიან მნიშვნელოვანი სიახლეები შემოაქვს. პარლამენტში პოლიტიკა უფრო საქმიანი იქნება, რადგან ორიენტირებულია საზოგადოების ინტერესებსა და საჭიროებებზე. ცვლილებები საზედამხედველო ფუნქციას აძლიერებს და პოლიტიკური პროცესი იმ ტრადიციებში გადაჰყავს, რომელიც ევროპაშია საუკეთესო. როგორც უმრავლესობის ლიდერი უზრუნველვყოფ, რომ უმრავლესობის ფორმატში კონსულტაციების მეორე რაუნდი გაიმართოს და ამ ორ საკითხზე უმრავლესობამ საკუთარი პოზიცია შემდეგ კენჭისყრაზე დააფიქსიროს“, – განაცხადა თალაკვაძემ.
