საპროკურორო საბჭო არის ღია და გამჭირვალე ორგანო, მედიისთვის აბსოლუტურად ხელმისაწვდომი, – ამის შესახებ იუსტიციის მინისტრმა, საპროკურორო საბჭოს თავმჯდომარე თეა წულუკიანმა „ევროპული საქართველოს“ წევრის, ოთარ კახიძის განცხადებასთან დაკავშირებით აღნიშნა, რომლის თქმით, საპროკურორო საბჭოს სხდომა მედიისთვის ღია უნდა იყოს.
მისი თქმით, როგორც წინა ჯერზე იყო, კანდიდატებთან გასაუბრება ახლაც ჩაიწერება, რომელიც განთავსდება საპროკურორო საბჭოს ვებგვერდზე.
„ასე იყო მანამდე და ასე იქნება ახლაც. შესაბამისად, მედიას, საზოგადოებას ექნება სრული შესაძლებლობა გასაუბრება მოისმინოს და ხელმისაწვდომობაც ჰქონდეს. თუმცა უშუალოდ მედიის წარმომადგენლები საბჭოს სხდომას ვერ დაესწრებიან, რადგან ასეთია საბჭოს დებულება“, – განაცხადა თეა წულუკიანმა.
მისი თქმით, ყველა ადამიანს - პროფესიონალს, პროკურორს, ადვოკატს, მოსამართლეს, მეცნიერს, დეპუტატს სჭირდება სამუშაო გარემო. რადგან
„საბჭოს ერთ-ერთ წევრი ასე ფიქრობს, არ მგონია, რომ ეს იყოს კარგი აზრი. მედია წინასწარ მოწვეული იქნება, როგორც ამას საბჭოს დებულება ითვალისწინებს“, – აღნიშნა თეა წულუკიანმა, რომელმაც აქვე დასძნა, რომ მედიის წარმომადგენლებს შეეძლებათ, საბჭოს ნებისმიერი წევრი გამოკითხონ და დაუსვან მათთვის საინტერესო კითხვები.
