ამნაშავე არის ეს კაცი. ბატონო მოსამართევ, ძალიან გთხოვთ, მკვლელად ნუ მაქცევთ. მე ვიცოცხლებ იმისთვის, რომ ამაზე შური ვიძიო. თუ ამას 20 წელს მიუსჯით, იმიტომ ვიცოცხლებ რომ მოვკლა, - ამ სიტყვებით მიმართა მოსამართლე ბესიკ ბუგიანიშვილს თემქაზე მოკლული 20 წლის ანა ნაცვლიშვილის მამამ, მამუკა ნაცვლიშვილმა.
როგორც ის თავის ჩვენებაში ამბობს, მისი შვილის მკვლელობაში ლადო გრიგალაშვილია დამნაშავე და უმკაცრესად უნდა დაისაჯოს.
"ეს ციხიდან არ უნდა გამოვიდეს,
თბილ ლოგინში იწვა და მკვლელი გამოვიდა, ციხიდან რომ გამოვა, გარანტია არ მექნება რომ შურს არ იძიებს და ჩემ შვილებს არ დახოცავს, თუ მე ვერ დავასწარი მკვლელობა. ეს ციხეში უნდა ჩალპეს!", - აცხადებს ნაცვლიშვილი.
მან სასამართლოზე გაიხსენა ის ღამე, როცა ტრაგედია მოხდა. ასევე ის, თუ როგორი ურთიერთობა ჰქონდა მის ქალიშვილსა და ბრალდებულს.
ჩემი ქალიშვილი და ბრალდებული ერთ სამშობიაროში არიან დაბადებული.
დედამისი და ჩემი მეუღლე ერთად გაიზარდნენ.
როგორც ვიცი, ამათ 14 წლიდან შეუყვარდათ ერთმანეთი და სიყვარული 7 წელი გაგრძელდა. ერთი პერიოდი დაშორებულები იყვნენ, ქალიშვილს რომ ვკითხე მიზეზი, რაღაც შეეშალაო, მითხრა.
ბრალდებული ძალიან მექალთანე იყო, ჩემ ქალიშვილთანაც ჰქონდა ურთიერთობა და სხვასთანაც, ალბათ, ეს გაიგო ჩემმა ქალიშვილმა.
მერე შევრიგდით, მიყვარს ძალიან და მასაცო, მითხრა ქალიშვილმა. ამ ამბავს შევეგუე", - აცხადებს ნაცვლიშვილი.
მან ასევე ისაუბრა იმაზე, თუ როგორ ეძებდა ბრალდებული მასთან ერთად ანას.
"დილის 8-ის ნახევარზე მეუღლემ გამაღვიძა ანა სახლში არ არისო, უცებ ვიფიქრე გაიპარა, ბრალდებულს გაყვა ცოლად-მეთქი. მეუღლემ მითხრა არა, ისიც აქაა, ანერვიულებული ეძებსო. ვიფიქრე, დაქალთან დაბადების დღის მისალოცად ხომ არ გავიდაო.
ბრალდებული გაპრანჭული დამხვდა, მე ნერვიულობისგან პირიც ვერ დავიბანე. ჯერ არაფერი ეტყობოდა, ირონიულად იყურებოდა, ხელთათმანიანი ხელი ჩამომართვა.
5 საათამდე ვემესიჯებოდი, პასუხი რომ არ გამცა, ვინერვიულეო....
ჩემი კორპუსის წინ გზა ქალაქისკენ გადის, ზღვით წავიდეთო, მითხრა ბრალდებულმა. იმ გზით რომ ჩავსულიყავი სადაც ჩემი შვილის გვამი იპოვეს, შეიძლება ცხედარი არ დამენახა, მაგრამ ხალხის ჩოჩქოლს ვნახავდი, ამიტომ ზღვით წამიყვანა.
აქ სადმე კამერები იქნება, ვნახოთ-მეთქი ვუთხარი ბრალდებულს. კამერები არ მუშაობსო მითხრა, ამ წვრილმანებზე მერე გავამახვილე ყურადღება.
როგორ იქცეოდა იცით? სხვის დასანახავად ძალიან ნერვიულობდა...მატარა მთელი ქალაქი, სრული ამ სიტყვის მნიშვნელობით გამაბითურა, რომ ალიბი შეექმნა", - განაცხადა ნაცვლიშვილმა.
ის სასამართლოში ამ წუთებშიც იკითხება.
