უნგრეთში დუბლინის ხელშეკრულების ფარგლებში არ მიიჩნევენ თავს უფლებამოსილად მიიღონ დევნილები, რომლებიც თავდაპირველად დარეგისტრირებულები იყვნენ ევროკავშირის ტერიტორიაზე - საბერნეთში. ეს პრობლემაა, განაცხადა უნგრეთის პრემიერ მინისტრთან მოლაპარაკებების შემდეგ ჟურნალისტებთან საუბრისას ანგელა მერკელმა.
"ჩვენ გვაქვს პრობლემა, რომელიც მდგომარეობს იმაში, რომ უნგრეთი დუბლინის წინაშე არ თვლის თავს ვალდებულად მიიღოს დევნილები საბერძნეთიდან" - განაცხადა მერკელმა და დასძინა, რომ „უნგრეთს მიაჩნია, რომ თავად არ არის უფლებამოსილი ჩაერთოს დევნილებისთვის თავშესაფარის მოთხოვნის დამუშავებაში".
მერკელმა დააზუსტა, რომ გერმანიაში უნგრეთიდან შემოდის ძალიან ცოტა დევნილი, რომლებიც უნგრეთში არიან დარეგისტრირებული. მათი შემოსვლის თავდაპირველ ქვეყანად როგორც წესი ფიქსირდება საბერძნეთი. საუბრის ბოლოს კანცლერმა განაცხადა, რომ იქნებოდა სწორი და მნიშნელოვანი, თუკი უნგრეთი აიღებს პასუხისმგებლობას ევროკავშირის გარე საზღვრის კონტროლზე. იგულისხმება სერბეთთან საზღვარი.
