ტრეფიკინგის ბრალდებით დაკავებული ცოლ-ქმრის ინტერესებს კერძო ადვოკატი იცავს. აღნიშნული ინფორმაცია „ჯი-ეიჩ-ენს“ მათმა უფლებადამცველმა, მაია უსტარიშვილმა დაუდასტურა.
პირებს, რომელთაც ორი მცირეწლოვანი აღსაზრდელად ნათესავმა მიაბარა, სახელმწიფო ბრალდება ტრეფიკინგს ედავება. უფრო კონკრეტულად, 7 წლის ტყუპებს მათი მეურვეები ფიზიკური და ფსიქოლოგიური ზეწოლის შედგად მოწყალებას აიძულებდნენ.
დაკავებულ ცოლ-ქმარს გუშინ, თბილისის საქალაქო სასამართლომ აღკვეთის ღონისძიების სახით პატიმრობა შეუფარდა. ბრალის დამტკიცების შემთხვევაში მათ, 17-დან 20 წლამდე, ან უვადო თავისუფლების აღკვეთა ემქურებათ.
სახელმწიფო ბრალდების განმარტებით, ბრალდებულებმა ჩაიდინეს არასრულწლოვნებით ვაჭრობა (ტრეფიკინგი), კერძოდ, არასრულწლოვნების გადაბირება ექსპლუატაციის მიზნით, ჩადენილი ორგანიზებული ჯგუფის მიერ ორი არასრულწლოვნის მიმართ, სიცოცხლისა და ჯანმრთელობისათვის საშიში ძალადობის მუქარით, დამნაშავისათვის წინასწარი შეცნობით, დამნაშავეზე მატერიალურად და სხვაგვარად დამოკიდებულის მიმართ.
საქმის მასალების თანახმად, ბრალდებულებმა ექსპლუატაციის მიზნით, 2015 წლიდან გადაიბირეს მათთან ერთად მცხოვრები და მათზე მატერიალურად და სხვაგვარად დამოკიდებული ბრალდებულ პ.მ.-ს არასრულწლოვანი 7 წლის შვილები, რომლებსაც სიცოცხლისა და ჯანმრთელობისათვის საშიში ძალადობის მუქარით, ანტისაზოგადოებრივ საქმიანობაში ჩაბმით (მოწყალების მიღების თხოვნით), უწევდნენ შრომით ექსპლუატაციას. ბრალდებულები, ბავშვების მიერ მოწყალების თხოვნის შედეგად შეგროვებულ თანხებს მთლიანად ისაკუთრებდნენ.
