სს "იტერა საქართველომ" და სს "თეთრიწყაროგაზმა" თეთრიწყაროს რაიონის 4 სოფლის გაზიფიცირების პროექტი დაასრულეს.
საპრეზიდენტო პროგრამის "გაზი ყველა სოფელს" ფარგლებში 7 კილომეტრიანი გაზსადენის მშენებლობის შედეგად ბუნებრივი აირის მიღების პერსპექტივა მიეცა სოფლებს: ვაშლოვანი (230 აბონენტი), ერთისი (110 აბონენტი), ბორბალო (105 აბონენტი), ღოუბანი (205 აბონენტი).
სს "იტერა - საქართველო" აგრძელებს თეთრიწყაროს რაიონის გაზიფიცირებას, რის შედეგადაც უახლოვეს პერიოდში აბონენტთა რაოდენობა 2390 ერთეულით გაიზრდება და 2011 წლის ბოლომდე 5360 მიაღწევს.