2010 წლის 20 აგვისტოს, ლაგოდეხის ნაკრძალის ადმინისტრაციაში, გარემოს დაცვის გლობალური ფონდის (GEF) პროგრამის საქართველოში მიმდინარეობის შესახებ გასვლითი შეხვედრა გაიმართა.
შეხვედრის მიზანია გარემოს დაცვის გლობალური ფონდის მე-4 პროგრამის ფარგლებში „დაცული ტერიტორიების სისტემის ფინანსური მდგრადობის უზრუნველყოფის" პროექტის მიმდინარეობის გაცნობა და განხილვა.
შეხვედრას დაესწრებიან გარემოს დაცვის სამინისტროს, დაცული ტერიტორიების სააგენტოს, გარემოს დაცვის გლობალური ფონდის და გაეროს განვითარების პროგრამის წარმომადგენლები.
საქართველოს დაცული ტერიტორიების სისტემის ფინანსური მდგრადობის უზრუნველყოფის პროექტი ხორციელდება გარემოს დაცვის გლობალური ფონდის (GEF) და გაეროს განვითარების პროგრამის მხარდაჭერით (UNDP). გრანტის ბიუჯეტი შეადგენს 875,000 აშშ დოლარს.