ჩვენ მთელი დღის განმავლობაში ვცდილობდით მასთან დაკავშირებას, თუმცა სატელეფონო ზარებს და მოკლე ტექსტურ შეტყობინებებს არ პასუხობს, - ასე გამოეხმაურა ხორავას ქუჩაზე მომხდარი მკვლელობის საქმეზე შექმნილი საგამოძიებო კომისიის თავმჯდომარე სერგი კაპანაძე დღევანდელ სხდომაზე თბილისის პოლიციის დეპარტამენტის დეტექტივების სამმართველოს უფროსის, იოსებ სიგუას არ გამოცხადებას.
კაპანაძის განცხადებით, სიგუას სხდომაზე არმისვლის მიზეზები არ განუმარტავს.
"ჩვენ მისგან არ გვქონია არანაირი კომუნიკაცია თუ რატომ არ არის დღეს აქ. ეს არის უპატივცემულობა და კანონის დარღვევა. ჩვენ ვიმსჯელებთ თუ რას ნიშნავს ეს. ეს არ არის “ნინიას ბაღი” როცა უნდა არ მოვიდეს, ან საშიანაო დავალება არ მოიტანოს. ბატონ იოსებს მოუწევს აქ მოსვლა როცა ის უკეთ იქნება, თუ ის მართლაც ცუდად არის“, - განაცხადა სერგი კაპანაძემ.
