ზვიად კუპრავა საგამოძიებო კომისიაზე მისი გამოკითხვის დასრულების შემდეგ ზაზა სარალიძესთან მისვლას გეგმავს და მეგობრებს მიმართავს, მივიდნენ შსს-თან და გვერდით დაუდგნენ ზაზა სარალიძეს.
ამის შესახებ განცხადება მან დღეს კომისიის სხდომაზე გააკეთა, სადაც მისი გამოკითხვა მიმდინარეობს.
“ვეცდები, სათქმელი შევამცირო. როგორც ჩემთვის გახდა ცნობილი, ზაზა სარალიძე ახლა შინაგან საქმეთა სამინისტროსთან ზის. თავს ვალდებულად მივიჩნევ, რაც შეიძლება, სწრაფად მივიდე მასთან. ამავდროულად მინდა, ჩემს ყველა მეგობარს, ვინც თბილისშია, ვთხოვო, მივიდნენ ზაზა სარალიძესთან და დაუდგნენ მას გვერდით,“ - განაცხადა კუპრავამ.
