„ხელისუფლების მიერ დეკლარირებული მცირე მთავრობა დიდი ტყუილი აღმოჩნდა,“ - ამის შესახებ განცხადება "ნაციონალური მოძრაობის" წევრმა, რომან გოცირიძემ, დღეს პარლამენტში ჟურნალისტებთან გააკეთა.
როგორც გოცირიძე აცხადებს, მთავარი მიზანი, რომ შემცირებულიყო ბიუროკრატიული ხარჯები და მართვა ყოფილიყო ეფექტური, ჩავარდა და შესაბამისად,, მთავრობის დეკლარროებეული მიზნები ტყუილი აღმოჩნდა და რეალური მიზანი რამდნეიმე მინისტრის თანამდებობიდან უმტკივნეულოდ გაშვება იყო.
"მთელი ეს ორომტრიალი ატეხილი იყო ორი მინისტრის მოსახსნელად, მესამეს მოხსნიან თუ არა, არც ვიცით. სტრუქტურული რეორგანიზაციის მთავარი შინაარსი აღმონდა ორი თუ სამი ადამიანის უმტკივნეულოდ გაშვება მინისტრთა კაბინეტიდან, დანარჩენი დავიდა მარტივ არითმეტიკამდე. 14 ჯობია თუ 11? - ეს ყველაფერი ჰგავს ქართულ ფილმს, ორი ლოკომოტივი ჯობია თუ ერთი, რომ კითხულობენ და მეორე პასუხობს, გააჩნია რა შემთხვევაშიო. აქ ეს კითხვაც კი არ არის რელევანტური. ეს არის მხოლოდ არითმეტიკული გადაჯგუფება. 116 კანონში უნდა შევიტანოთ ცვლილება, ხარჯავენ შუქს, ენერგიას და ადამიანების ნერვებს," - განაცხადა რომან გოცირიძემ.
