პარლამენტის განათლების და მეცნიერების კომიტეტის თავმჯდომარე, მარიამ ჯაში, აცხადებს, რომ მისი პოზიციაა, კულტურა, სპორტი და ტურიზმი დარჩეს ცალკე უწყებად, თუნდაც სახელმწიფო აპარატის ფორმით. თუმცა, მისივე თქმით, აღნიშნული საკითხი დამატებით განხილვებს მოითხოვს.
ამის შესახებ ჯაშმა სამინისტროების გაერთიანების საკითხზე კომენტირებისას განაცხადა.
მისი ამ საკითხზე, სავარაუდოდ, გაიმართება კონსულტაციები პრემიერ-მინისტრთან და პარლამენტის თავმჯდომარესთან.
"დიდი ცივილიზაციის ქვეყნებში, კულტურის სამინისტრო რჩება ცალკე, ან ტურიზმთან ერთად გაერთიანებული. მე უფრო მეორე მიმართულების მხარდამჭერი ვიქნებოდი, რომ კულტურა, სპორტი და ტურიზმი დარჩეს ცალკე უწყებად, თუნდაც სახელმწიფო მინისტრის აპარატის ფორმით, მაგრამ ეს მოითხოვს დამატებით განხილვას," - განაცხადა მარიამ ჯაშმა.
