„არ არსებობს წინაპირობა, რომ ბახტაძის მინისტრთა კაბინეტი წარმატებული იყოს,“ - ამის შესახებ განცხადება „ევროპული საქართველოს“ წარმომადგენელმა, სერგო რატიანმა, დღეს პარლამენტში მთავრობის ახალ შემადგენლობის შეფასებისას გააკეთა.
მისი თქმით, სრუქტრულ ცვლილებებთან დაკავშირებით არ ჩანს არანაირი ხედვა, თუ რატომ და როგორ უნდა იყოს შემცირებული ბიუროკრატიული აპარატი და ხარჯები. მიტომ, „ევროპული საქართველო“ ამ ცვლილებების აზრს ვერ ხედავს.
„ივანიშვილის მიერ წარმოდგენილი არც ერთი მინისტრთა კაბინეტი არ ყოფილა წარმატებული. არ არსებობს წინაპირობა, რომ ბახტაძის მინისტრთა კაბინეტი იყოს წარმატებული. სრუქტრულ ცვლილებებთან დაკავშირებით არ ჩანს არანაირი ხედვა, თუ რატომ და როგორ უნდა იყოს შემცირებული ბიუროკრატიული აპარატი და ხარჯები. შესაბამისად, „ევროპული საქართველო“ ვერ ხედავს მნიშვნელოვან ცვლილებას ამ შემთხვევაში,“ - განაცხადა სერგო რატიანმა.
