ვაგინებდი მკვდარს და ცოცხალს იქიდან გამომდინარე, რომ კიდევ ჩემი შვილის მკვლელს იცავს კბილებით და ვთხოვდი, სად არის ჩემი შვილის მკვლელი მეთქი, - ამის შესახებ ხორავას ქუჩაზე მოკლული დავით სარალიძის მამამ, ზაზა სარალიძემ პროკურორ ზვიად ფხაკაძის განცხადებასთან დაკავშირებით აღნიშნა.
ის ფხაკაძეს მოუწოდებს, გაგზავნილი შეტყობინებები გაასაჯაროვოს.
„ვაგინებდი მკვდარს და ცოცხალს იქიდან გამომდინარე, რომ კიდევ ჩემი შვილის მკვლელს იცავს კბილებით და ვთხოვდი, სად არის ჩემი შვილის მკვლელი მეთქი. ახლაც შევაგინებ, თუ გინდათ. რა, სასამართლო დარბაზიდან რომ გამოვედი, არ ვაგინებდი? მაშინ რატომ არ მომთხოვა პასუხი. თუ კაცია და ვაჟკაცია, ადგეს და გაასაჯაროვოს, დახურულ სხდომაზე გავასაჯაროვებო რომ ამბობს, გაასაჯაროოს პირდაპირ, რომ მთელმა საქართველომ ნახოს, რატომ ვაგინებდი და რა სიტყვებით ვაგინებდი. რას ნიშნავს მუქარის შემცველი ტექსტები? გაასაჯაროვოს და საზოგადოებამ ნახოს. ვაგინებდი მკვდარს და ცოცხალს. სადაც შევხვდები, იქაც ვაგინებ კიდევ მკვდარს და ცოცხალს იმიტომ, რომ ჩემი შვილის მკვლელის ხელის დამფარებელია", - განაცხადა სარალიძემ.
შეგახსენებთ, ზვიად ფხაკაძის განცხადებით, ზაზა სარალიძისგან მუქარის შემცველი შეტყობინებები მიიღო.
