პრემიერ-მინისტრმა მამუკა ბახტაძემ მიიღო ნდობის მანდატი პარლამენტში და ამ მანდატის ფარგლებში წარმოადგინა გაბედული, თანამედროვე და ეფექტიანი რეფორმების გატარებაზე ორიენტირებული კონცეფცია და რეფორმა, - ამის შესახებ იურიდიულ საკითხთა კომიტეტის თავმჯდომარე ეკა ბესელიამ განაცხადა.
მისი თქმით, საჭიროა ამ ახალი ხედვის და რეფორმის მხარდაჭერა.
„ამ რეფორმების განსახორციელებლად ჩვენ გვჭირდება ახალ სტანდარტებზე და მართვის უფრო ეფექტიან მოდელზე მორგებული მთავრობა, მინიმუმადე შემცირებული ბიუროკრატია. ეს არ იქნება უბრალოდ სამინისტროების გაერთიანება, არამედ გულისხმობს ბიუროკრატიის შემცირებას და სამთავრობო უწყებების ეფექტიანობის გაზრდას.
გვჭირდება, რომ მოქალაქემ უფრო სწრაფად იგრძნოს გადაწყვეტილების სიკეთე, უფრო სწრაფად მიიღოს სარგებელი ამ რეფორმებით, ჩვენ გვჭირდება ახალი ტემპი, ახალი ენერგია და მეტად კონცეტრირება შედეგებზე, პასუხისმგებლობის გაზრდა აღსრულებაზე.
ვფიქრობ ყველამ საკუთარ სფეროს მეტი პრინციპულობით და მაქსმიმალური ძალისხმევით უნდა მივხედოთ. მე ვფიქრობ საჭიროა ამ ახალი ხედვის და რეფორმის მხარდაჭერა“, - განაცხადა ეკა ბესელიამ.
