„ზაზა სარალიძეს ნებისმიერ დროს ჰქონდა ჩემთან კომუნიკაციის შესაძლებლობა, როგორც პირადად, ასევე ადვოკატთან ერთად,“ - ამის შესახებ პარლამენტის დროებითი საგამოძიებო კომისიის სხდომაზე ხორავას ქუჩაზე მომხდარი მკვლელობის საქმის პროკურორმა ზვიად ფხაკაძემ განაცხადა. ამასთან, ის ამბობს, რომ სარალიძის სურვილის შემთხვევაში, მასთან კომუნიკაციისთვის ახლაც მზად არის.
„დიდ პატივისცემას გამოვხატავ ზაზა სარალიძის მიმართ. ვიცი, რა ტრაგედია გადაიტანა ამ ადამიანმა და ეს ძალიან მტკივნეულია ჩემთვის, როგორც მამისთვის. ბატონ ზაზას ნებისმიერ დროს ჰქონდა ჩემთან კომუნიკაციის შესაძლებლობა, როგორც პირადად, ასევე ადვოკატთან ერთად. მიმოწერაც გაასაჯაროვა და დიახ, გვქონდა კომუნიკაცია. დღესაც მზად ვარ, მისი სურვილის შემთხვევაში, მქონდეს კომუნიკაცია,“ - განაცხადა ფხაკაძემ.
