მმართველი გუნდის წარმომადგენელი ვიცე სპიკერი ზვიად ძიძიგური აცხადებს, რომ „მცირე მთავრობაზე უფრო მნიშვნელოვანი მობილური მთავრობაა“. ამის შესახებ განცხადება ზვიად ძიძიგურმა დღეს პარლამენტში ჟურნალისტებთან მთავრობის სტრუქტურის ცვლილებასთან ერთად გააკეთა. ის აქცენტს აკეთებს მობილური მთავრობის იმ პლიუსებზე, რაც გადაწყვეტილებების სწრაფ მიღებას ეხება და ამბობს, რომ ეკონომიკური ზრდისთვის სწორედ ეს ფაქტორია მნიშვნელოვანი.
„ჩვენთვის მთავარია სიღარიბის დაძლევა, რისთვისაც აუცილებელია ეკონომიკის ზრდა და სამუშაო ადგილების შექმნა. ამაში კი მთავარი მცირე და საშუალო ბიზნესის განვითარება,ა რაც ქმნის სამუშაო ადგილებს. ამიტომ გადაწყვეტილებების სწრაფი და დროული მიღება იქნება განსაკუთრებით მნიშვნელოვანი ამ პრობლემის მოგვარებისათვს და იმედი მაქვს, რომ სტრუქტურული ცვლილებები სწორედ ამ მიზანს მოემსახურება" - აცხადებს ზვიად ძიძიგური.
