„აქ მოსვლამდე კალანდიას ადვოკატთან ხომ არ გაგივლიათ კონსულტაცია როგორ დაგეცვათ ის“ - ამ კითხვით ევროპული საქართველოს წარმომადგენელმა, პარლამენტის საგამოძიებო კომისიის წევრმა ელენე ხოშტარიამ კომისიის სხდომაზე სამართალდამცველებს მას შემდეგ მიმართა, რაც მათ ყველანაირად სცადეს, რომ კომისიის წევრების შეკითხვაზე პასუხი აერიდებინათ. კითხვა ეხება კონკრეტულად კალანდიას საქმეში მონაწილეობას.
ოთარ კახიძემ ჩვენებების და პროკურატურის მასალების საფუძველზე სამართალდამცველებს მიმართა, რომ თავად კალანდია აღიარებს და მისი სამი სხვადასხვა ჩვენება არსებობს იმაზე რომ ფარდულში, როდესაც სარალიძეს სასიკვდილო ჭრილობებს აყენებდნენ, პირადად მას დათო სარალიძე ერთი ხელით ეჭირა და მეორეთი ურტყავდა.
„ფაქტია, რომ ეს არის შემთხვევა სადაც მონაწილეობს რამდენიმე პირი. არის ჯგუფურად ჩადენილი დანაშაული, არსებობს მოტივაცია, არის ორგანიზატორი, წამქეზებელი, შემსრულებელი და სხვა მონაწილე პირები. გეკითხებით, რატომ არ არის კალანდია საქმის მონაწილე“ - მიმართა ოთო კახიძემ.
ამ კონკრეტულ კითხვაზე პასუხს თავი პროკურორმა ზვიად ფხაკაძემ იმით აარიდა, რომ სულ სხვა პირზე - გ.მ-ზე გასცა პასუხი და თქვა, რომ ის ამ დროს ფარდულში აღარ იმყოფებოდა, რასაც კომისიის წევრთა პროტესტი მოჰყვა, რომ ის პასუხს თაცს არიდებდა.
ფხაკაძემ თავი იმით იმართლა, რომ მას ეგონა, გ.მ-ზე ეკითხებოდნენ. თუმცა, მას პასუხი დასმულ კითხვაზე არც ამის შემდეგ გაუცია.
