პარლამენტში მმართველი გუნდის წარმომადგენელი, დავით ჭიჭინაძე, მიიჩნევს, რომ იუსტიციის მინისტრმა თანამდებობა უნდა დატოვოს.
ამის შესახებ მან დღეს პარლამენტში ჟურნალისტებთან ისაუბრა და არგუმენტად ის დაასახელა, რომ ამით წულუკიანს პროცესების გარედან უკეთ დანნახვის საშუალება მიეცემა. "დიახ, უნდა დატოვოს, ჩემი, როგორც ერთი დეპუტატის პოზიცია ასეთია. ჩემი პოზიცია დაფიქსირებული მაქვს არაერთხელ. დღეს უკვე პრემიერის გადასაწყვეტია. მე ვფიქრობ, რომ, თუკი "ქართულ ოცნებას" აქვს შეცდომები, გარედან უფრო კარგად ხედავს ეგ ქალბატონი და როცა დაკავებული თანამდებობიდან თავისუფალი იქნება, კრიტიკის მეტი საშუალება ექნება," - განაცხადა ჭიჭინაძემ.