საპარლამენტო ოპოზიცია დაანონსებული სამთავრობო ცვლილებების წინ იმედოვნებს, რომ ცვლილებები პირველ რიგში იუსტიციის მინისტრსა და ძალოვან უწყებებს შეეხება.
ამის შესახებ განცხადება ენმ-ს წარმომადგენელმა სალომე სამადაშვილმა დღეს პარლამენტში ჟურნალისტებთან განაცხადა და მიზეზად ის ფაქტორი დაასახელა, რომ „ყველაზე მეტი კითხვა ამ უწყებებთან დაკავშირებით არსებობს“. ის ასევე გამოეხმაურა მთავრობის რეორგანიზაციის საკითხსაც და აღნიშნა, რომ „რეორგანიზაციის შესაფასებლად პირველ რიგში გვჭირდება ვნხოთ იქნება თუ არა საბიუჯეტო დანაზოგი და როგორ იქნება ხარჯები გაწერილი“.
გარდა ამისა ის კიდევ ერთ მომენტზე ამახვილებს ყურადღებას, რაც გამსხვილებული უწყების პოლიტიკურ მართვას შეეხება. „ძალიან მნიშვნელოვანია როგორ აპირებენ ისეთი მსხვილი უწყების მართვას და პოლიტიკის განსაზღვრას როგორიც იქნება განათლების სამინისტრო, თუკი მას კულტურის სამინისტრო და სხვა უწყებები მიუერთდდება“ - განაცხადა სალომე სამადაშვილმა.
