სრულიად საქართველოს კათოლიკოს-პატრიარქმა თავის მოსაყდრედ მეუფე შიოს დასახელების თემა განმარტა, – ამის შესახებ ჭყონდიდელმა მიტროპოლიტმა, მეუფე პეტრემ სინოდის სხდომის დასრულების შემდეგ ჟურნალისტებს განუცხადა.
მისი თქმით, ასეთი განმარტება საჭირო გახდა, რადგან ეკლესიის მართვა-გამგეობის დებულებიდან გამომდინარე შეკითხვები არსებობდა.
„მეუფე შიოს თემა განიმარტა პატრიარქის მიერ. როგორც იყო მოსალოდნელი, მეუფე შიო დასახელებულია სრულიად საქართველოს კათოლიკოს-პატრიარქის ტახტის მოსაყდრედ. ასეთი განმარტება საჭირო გახდა, რადგან ეკლესიის მართვა-გამგეობის დებულებიდან გამომდინარე შეკითხვები არსებობდა, რაც განმარტებულ იქნა“, – განაცხადა მეუფე პეტრემ.
