ყვარლის მუნიციპალიტეტის სოფელი გავაზი ბავშვთა საზაფხულო ბანაკს მასპინძლობს. საქართველოს ყველა რეგიონიდან ჩამოსული სხვადასხვა ასაკის 30 წარმატებული ბავშვი 30 აგვისტომდე ადგილობრივების ოჯახებში დაისვენებს. ბანაკის მოწყობის ორგანიზატორია არასამთავრობო ორგანიზაცია "ასოციაცია საქართველოს საზოგადოება", რომელიც პროექტს გრანტის სახით ახორციელებს.
დასვენების პრალელურად, ყველა მოსწავლე თემში არსებული მოთხოვნების შესაბამის პროექტზე იმუშავებს. საუკეთესო სამ ნამუშევარს ასოციაცია დააფინანსებს.
მოსწავლეებს დღეს დღეს ყვარლის მუნიციპალიტეტის გამგებელი, ლევან გამსახურდია შეხვდა. "დარწმუნებული ვარ, საზაფხულო ბანაკში დასვენება ბავშვებისათვის საინტერესო იქნება. ჩვენც ყველაფერს გავაკეთებთ, რომ ეს ორი კვირა მათთვის მრავალფეროვანი იყოს"- განაცხადა გამსახურდიამ.
