ასეთი ტიპის კითხვის ნიშნებს ვერ შევეგუებით ბუნებრივია და ვერ შევეგუებით იმას, რომ საზოგადოებას ჰქონდეს კითხვის ნიშნები ჩვენი ხელისუფლების მიმართ. ამიტომ ჩვენივე ინტერესებშია, რომ ეს [ხორავას ქუჩის] საქმე ბოლომდე იქნას მიყვანილი, მაქსიმალურად ვითანამშრომლებთ ოპოზიციასთან, რომ სიმართლეს გამოვლინდეს, – ამის შესახებ პარლამენტის ადამიანის უფლებათა დაცვის კომიტეტის თავმჯდომარე სოფო კილაძემ განაცხადა.
მისი თქმით, ხორავას ქუჩაზე მკვლელობის საქმე ძალიან ბევრი ტომისგან შედგება, რომელთა გაცნობასაც დრო სჭირდება.
„არის ასეულობით ტომის საქმე, რომელსაც ბუნებრივია, შესაბამისი დრო სჭირდება გასაცნობად, მაგრამ ჩვენთვის მთავარი არის მაქსიმალურად სწრაფად, მაქსიმალურად ღიად და გამჭვირვალედ გავიაროთ ეს პროცესი, რომ საზოგადოებაში არც ერთი კითხვის ნიშანი არ დარჩეს და საზოგადოებისთვის მაქსიმალურად ნათელი გახდეს, თუ რა მოხდა, თუ მოხდა ხელის დაფარება, ვინ დააფარა ხელი კონკრეტულ ადამიანებს და ეს საქმე მივიყვანოთ ბოლომდე“, – განაცხადა სოფო კილაძემ.