პირველ რიგში, მე არ უნდა მიმემართა, თავად უნდა დაეწყოთ რეაგირება იმაზე, რაც გუშინ სასამართლოს სასადილოში მოხდა, მაგრამ რომ ვნახე არანაირი რეაგირება არ არის, მე თვითონ დავუკავშირდი გენინსპექციას და მოვითხოვე რეაგირება. დღეს დამიბარეს და ვისაუბრებ იმ დეტალებზე რაც მოხდა იქ, - განაცხადა ჟურნალისტებთან ზაზა სარალიძემ.
ის თვლის, რომ გუშინ თბილისის საქალაქო სასამართლოს ბუფეტში მომხდარი ინციდენტის გამო, სამართალდამცავები სამსახურიდან უნდა გათავისუფლდნენ.
"ჩვენ ვიჯექით ჩვენთვის, ვჭამდით საჭმელს, შემოცვივდნენ სასადილოში და მოთხოვეს ზვიად კუპრავას დარბაზში ასვლა, მოსამართლე გიბარებსო, არადა ეს იყო მოგონილი. ამის შემდეგ ეგრევე ძალადობაზე გადავიდნენ, ძალით გაათრიეს ზვიად კუპრავა, დაგვამხეს თავზე მაგიდა, გადმოგიყირავეს საჭმელ-სასმელი, დავით ლაგვილავას ხელით შეეხნენ, ჯიკაობის დროს ჩემსკენაც გამოიწიეს. ეს იყო სრული მარაზმი, ჭამა არ გვაცადეს ელემენტარულად. სამართალდამცავი იქით უნდა გიცავდეს და პირიქით მოდის ზეწოლაზე.
ზუსტად იმის გასარკვევად ვარ მოსული, თუ რატომ მოხდა ეს ყველაფერი.
გადაცდომა კი არა დასაკავებლები არიან ყველანი. ვინც იყო იქ პოლიციელი ყველა დასაჭერია. კონკრეტული პოლიციელების მიმართ ვითხოვ რეაგირებას, ხელმძღვანელები კი, თვითონ გადაწყვიტონ არიან თუ არა დასაჭერები. კონკრეტული პოლიციელები განთავისუფლებული უნდა იყვნენ სამსახურიდან და შესაბამისი სამართლებრივი ფორმა უნდა მიეცეს ყველაფერს", - დასძენს სარალიძე.
