რა თქმა უნდა, პროტესტი არის ყველას უფლება, მაგრამ მთავარია, პროტესტის გამოხატვისას არ გავცდეთ კანონის მოთხოვნებს, - ამის შესახებ პარლამენტის თავმჯდომარე ირაკლი კობახიძემ პარლამენტის ბიუროს სხდომაზე განაცხადა.
მისი თქმით, ის მომხდარის ყველა დეტალით დაინტერესდება.
"დავინტერესდებით მომხდარის ყველა დეტალით. მთავარია არ მოხდეს ძალის არათანაზომიერი გამოყენება. ბუნებრივია, ამ კუთხით დავინტერესდებით, შს სამინისტროსთან გვექნება კომუნიკაცია და ამის საფუძველზე გაირკვევა დეტალები. რა თქმა უნდა, პროტესტი არის ყველას უფლება, მაგრამ მთავარია, პროტესტის გამოხატვისას არ გავცდეთ კანონის მოთხოვნებს. ერთ მხარეს ეს არის მნიშვნელოვანი და მეორე მხარეს მნიშვნელოვანია ძალის გამოყენებისას არ დაირღვეს თანაზომიერების პრინციპი. პარლამენტის კუთხით ამ საკითხებით დავინტერესდებით“, - განაცხადა ირაკლი კობახიძემ.