არც ერთი წუთით ამ ტერიტორიიდან არ გავსულვარ, - ამის შესახებ „ნაციონალური მოძრაობის“ წევრმა ლევან ხაბეიშვილმა განაცხადა, რომელიც რუსთაველის გამზირზე, პარლამენტის შენობის წინ იმყოფება.
მისი თქმით, შინაგან საქმეთა სამინისტრომ განაცხადა, რომ ნიკა მელია არ დაუკავებიათ, თუმცა, მისივე თქმით, ვიდეოკამერებმა დააფიქსირეს, რომ მელია ავტომობილში ჩასვეს და წაიყვანეს.
„მელია არ დაგვიკავებიაო და ათობით კამერამ გადაიღო, რომ ამ ადამიანს მიათრევდნენ და ჩატენეს მანქანაში. ხაბეიშვილი დავაკავეთო და აგერ ვარ. არც ერთი წუთით ამ ტერიტორიიდან არ გავსულვარ. სავარაუდოდ, შსს-მ წაიკითხა სია, რომელიც მას გადასცეს, ვინც უნდა დაეკავებინათ“, – განაცხადა ხაბეიშვილმა.
მისივე თქმით, ის დაკავებული არ ყოფილა.
„არც ერთი წამით არ ვყოფილვარ დაკავებული. ნიკა მელია დააკავეს. ფეხებში და ქეჩოში მოკიდეს ხელი და მიათრევდნენ, თუმცა შსს-მ თქვა რომ არ დაუკავებია“, – აღნიშნა ხაბეიშვილმა.
