პარლამენტის თავმჯდომარე, ირაკლი კობახიძე, აცხადებს, რომ პარლამენტარი ნიკა მელია სამართალდამცველებს არ დაუკავებიათ და მისი მხოლიდ ადგილიდამ განრიდება მოხდა.
ამის შესახებ განცხადება ირაკლი კობახიძემ რამდენიმე წუთის წინ ბიუროს სხდომაზე გააკეთა და აღნიშნა, რომ მან ამის შესახებ ინფორმაცია პირადად შს მინისტრისგან მიიღო.
"როგორც კი გახდა ეს ამბავი ცნობილი, მე მყისიერად დავიკავშირდი შს მინისტრს და მისგან მივიღე ინფორმაცია, რომ საჭირო იყო განრიდება, რათა ქმედება არ გადაზრდილიყო მწვავე დაპირისპირებაში. ამიტომ ის გადაიყვანეს სხვა ლოკაციაზე - პოლიციის განყოფილებაში და იქიდან გაათავისუფლეს," - განაცხადა კობახიძემ.
მისი თქმით, ამ ინფორმაციის მიღების შემდეგ უკვე პარლამენტში იყო მისული შს მინისტრი და დეტალები პირადად მისგან მოისმინა.