არსებობს ჩვენება რომელიც ადასტურებს, რომ მორჩაძე სთავაზობდა კალანდიას ფულს იმისთვის რომ შეეცვალა ჩვენება, - განაცხადა ჟურნალისტებთან პროკურორმა თორნიკე ნადირაძემ.
როგორც ის განმარტავს, არსებობს არაერთი მტკიცებულება, რომლის მიხედვითაც, მერაბ თავაძემ თვითმხილველი მოწმე მოისყიდა.
"კონკრეტული საგამოძიებო მოქმედებების და ჩვენებების განხილვას არ მოვყვები, მაგრამ ბუნებრივია არსებობს მტკიცებულებათა ერთობლიობა, დასაბუთებული ვარაუდისთვის, რომ ამ ადამიანმა ჩაიდინა თვითმხილველი მოწმის მოსყიდვა.
არსებობს ჩვენება რომელიც ადასტურებს, რომ მორჩაძე სთავაზობდა კალანდიას ფულს იმისთვის რომ შეეცვალა ჩვენება.
არსებობდა როგორც ფორმალური, ასევე ფაქტობრივი საფუძვლები აღკვეთის ღონისძიების გამოყენებასთან დაკავშირებით. არსებობდა რეალური საფრთხეები, რომ ბრალდებული მოახდენდა ზემოქმედებას მოწმეებზე და ამით შეეცდებოდა გაენადგურებინა საქმისთვის მნიშვნელოვანი მტკიცებულებები. არსებობდა ასევე რისკი, რომ ის ჩაიდენდა ახალ დანაშაულს.
მერაბ მორჩაძე ახლო მეგობარია გ.ჯ.-ს მამის და იგი გახლავთ ნათესავი თვითმხილველი მოწმისა. აქედან გამომდინარე ამ მიმართულებით ინტენსიურად მიდის საგამოძიებო მოქმედებები. აღნიშნულ ბრალდებაში საუბარი არაა ერთ კონკრეტულ ჩვენებაზე, არის მტკიცებულებების მთელი რიგი ერთობლიობა, რომელიც ადასტურებს იმას, რომ მერაბ მორჩაძემ განახორციელა თვითმხილველი მოწმის მოსყიდვა.
მიდის ძიება იმის დასადგენად მორჩაძემ ეს გააკეთა ბრალდებულის მამის, თუ სხვა ვინმეს თხოვნით, ან დავალებით", - აცხადებს თორნიკე ნადირაძე.