ქალბატონი ბესელია, კიდევ მანაშაულებს, რომ თითქოს, ჩემ უკან პოლიტიკა არის ამოფარებული და როგორ ვენდო? ზუსტად ამის გამო არ ვენდობი მას, - განაცხადა ჟურნალისტებთან ხორავას ქუჩაზე მოკლული დავით სარალიძის მამამ, ზაზა სარალიძემ.
როგორც ის განმარტავს, აბსოლუტურად ყველა პოლიტიკურ პარტიას ემიჯნება და მის ინტერესებში მხოლოდ სიმართლის დადგენა შედის.
„ისვე და ისვე ვიმეორებ, ჩემი საქმე არ არის პოლიტი, ააბსოლუტურად ყველა პოლიტიკურ პარტიას ვემიჯნები. სრულ ნდობას ვუცხადებ ამ კომისიას. ოღონდ, ადამიანს, რომელიც შეურაცხყოფას მაყენებს, როგორ უნდა ვენდო? ქალბატონ ბესელიას აბსოლუტურ უნდობლობას ვუცხადებ, დანარჩენ წევრებს კი, ნდობას.
კომისია გამოიძიებს დეტალებს, ვინ შეეცადა ამ საქმის „შეკერვას“ და აუცილებლად დადებენ შედეგებს. სანამ ჭეშმარიტებას არ მივაღწევ, სახლში დაბრუნებას არ ვაპირებ, ჩემი შვილის ღირსებას დავიცავ“, - აცხადებს სარალიძე.
ის იმ გავრცელებულ ინფორმციასაც გამოეხმაურა, რომლის მიხედვითაც, თითქოს, დავით სარალიძე ბავშვებზე სხვადასხვა სახით ძალადობდა.
„ვრცელდება, ინფორმაცია, თითქოს, ჩემი შვილი გამომძალველი ყოფილა, ვიღაც-ვიღაცეებს ტუალეტში აყოფინებდა თავს. მივმართავ 51-ე სკოლის ადმინისტრაციას, დაუყოვნებლივ გამოაშკარავონ ჩემი შვილის ბიოგრაფია, თუ იყო მოძალადე გამოაშკარაონ. დამეთანხმებით, ალბათ, თუ ის მოძალადე იყო და სკოლაში ამგვარ ფაქტს ჰქონდა ადგილი, 51-ე სკოლის პასუხისმგებლობის საკითხი უნდა დადგეს. დაუყვნებლივ გააკეთონ ამასთან დაკავშირებით განცხადება, თუ იყო დამნაშავე, თქვა, თუ არ იყო დამნაშავე, თქვან“, - აცხადებს სარალიძე.