რუსეთის საგარეო საქმეთა სამინისტრო მიმდინარე წლის 5 აგვისტოს აშშ-ს სახელმწიფო დეპარტამენტის მიერ 2009 წელს ტერორიზმთან დაკავშირებით გამოქვეყნებულ მოხსენებაში არ ეთანხმება კავკასიაში არსებულ სიუაციის შეფასებას.
რუსეთის საგარეო უწყებას აღშფოთებას გამოთქვამს იმის გამო, რომ საქართველო მოხსენებაში წარმოდგენილია, როგორც ტერორიზმის წინააღმდეგ მებრძოლი სამაგალითო ქვეყანა.
"ამავდროუად იგნორირებულია ის ინფორმაციები, რომ თბილისი ეწევა ორმაგ თამაშს ჩრდილოეთ კავკასიაში ტერორისტულ იატაკქვეშეთთან მიმართებაში. რუსეთის სპეცსამსახურებს არაერთხელ წარმოუდგენიათ დამაჯერებელი მტკიცებულებები აღნიშნულთან დაკავშირებით და ობიექტურმა დამკვირვებლებმა ეს არა ერთხელ აღნიშნეს", _ აცხადებს რუსეთის საგარეო უწყება და დასძენს, იქვე მოხსენების ავტორები შეშფოთებას გამოთქვამენ რუსეთიდან აფხაზეთთსა და სამხრეთ ოსეთში - საქართველოს ხელისუფლების მიერ არაკონტრორილებად ტერიტორიაზე, თითქოს შედის "განუსაზღვრელი და აღიცხვას დაუქვემდებარებელი ადამიანთა ნაკადი, საქონელი და სხვა პოტენციურად საშიში ტვირთი".
ლავროვის უწყება მიიჩნევს, რომ ასეთი შეფასებებით, რომელიც გაუმაგრებელია ფაქტებით, შეფარულია მცდელობა რუსეთი დადანაშაულებულ იქნეს "ტერორიზმის ექსპორტში".
განცხადებაში აღნიშნულია, რომ ვითარებაში გასარკვევად მოხსენების ავტორებს ხელი შეუშალა კავკასიში ახალი გეოპოლიტიკური რეალიების გაგების სურვილის არ ქონამ, რომელიც მათ საშუალებას არ აძლევს საკითხის სწორად ფორმულირებაში, რადგან "აბსურდულია თავად საკითხის დასმა "საქართველოს კონტროლის" შესახებ, რუსეთისა და ორი სუვერენული სახელმწიფოს _ აფაზეთისა და სამხრეთ ოსეთის საზღვრებზე. რა თქმა უნდა ასეთი კონტროლი არ არსებობს და ის არ შეიძლება არსებობდეს.".
ლავროის უწყება აცხადებს, რომ რუსეთისა და აღნიშნული რესპუბლიკების საზღვრებზე არსებობს ადექვატური გამშვები პუნქტი, რომელიც საერთაშორისო ტერორიზმთან, ნარკოტრაფიტთან და ტრანსნაციონალირ ორგანიზებულ დანაშაულთან ბრძოლის საჭიროების შესაბამისად აწარმოებს საფრთხეების აღრიცხვას. ვითარდება ურთიერთობები საზაღვრო საკითხებში აფხაზეთისა და სამხრეთ ოსეთის ხელისუფლებასთან.
რუსეთის საგარეო უწყება კატეგორიულად არ ეთანხმება აფხაზეთისა და სამხრეთ ოსეთის საქართველოს საზღვრებთან რუსი მესაზღვრეების განლაგების მოხსენიებას "მილიტარიაციის" ტერმინის გამოყენებით.
"სწორედ ჩვენი მესაზღვრეების ძალისმევით ვითარება ამ ორი სახელმწიფოს საზღვარზე საქართველოსთან, მნიშვნელოვნად სტაბილური გახდა და მთლიანობაში შენარჩუნებულია სიმშვიდე. ბოლო ორი წლის განმავლობაში შეიმჩნევა სერიოზული პროგრესი ამ რეგიონში სტაბილურობისა და უსაფრთხოების უზრუნველსაყოფად. იგივე მოსაზრებები გააჩნია ევროკავშირის დაკვირველბელთა მისიას საქართველოში. მთავარია, რომ აფხაეთი და სამხრეთ ოსეთი მშვიდობის მდგომარეობაში ცხოვრობენ. აცხადებს რუსეთის საგარეო საქმეთა სამინისტრო.
აქვე სამინისტრო აღნიშნავს, რომ იგი არ ცდილობს ამერკავკასიაში არსებული სიტუაცია დახატოს როგორც იდეალური სურათი და აღნიშნავს, "საერთაშორისო ტერორიზმი, ნარკოტიკების უკანონო ბრუნვა და ტრანსნაციონალური ორგანიზებული დანაშაული განეკუთვნება იმ საფრთხეთა რიცხვს, რომელიც დგას აფხაზეთისა და სამხრეთ ოსეთის წინაშე".
"სამწუხაროდ, ამერიკავკასიის ახალი რესპუბლიკების დამოუკიდებლობის უარყოფის არარეალისტური პოზიცია, რომელიც ვაშინგტონს უკავია, ართულებს მათ მიერ საერთაშორისო ორგანიზაციებიდან დახმარების მიღებას. საჭიროა დასრულდეს ამ პროცესების პოლიტიზაცია და აფხაზეთი და სამხრეთ ოსეთი ჩაერთოს აქტიურ საერთაშორისო თანამშრომლობაში მათ შორის ტერორიზმთან ბრძოლის საკითხში, რაც სასარგებლო იქნება არა მხოლოდ მათთვის, მათი მეზობებისათვის, არამედ მთელი მსოფლიო თანამეგობრობისათვის", _ აცხადებს რუსეთის საგარეო უწყება.
