აჭარის ფინანსთა და ეკონომიკის სამინისტროს ინფორმაციით, მშენებლობისათვის გაცემული ნებართვები იზრდება. 2010 წლის 7 თვეში აჭარაში მშენებლობის დასაწყებად 267 ნებართვა გაიცა, მაშინ როდესაც 2009 წელს სამინისტრომ სულ 452 ნებართვა გასცა.
მშენებლობის ნებართვების გაცემით ლიდერი 2008 წელია, ეს ის პერიოდია როდესაც რუსეთმა საქართველოს ინტერვენცია მოახდინა და იმავდროულად დაიწყო მსოფლიო ეკონომიკური კრიზისიც. სტატისტიკური მონაცემების თნახმად, 2007 წელს რეგიონში 407 ობიექტზე გაიცა მშენებლობის ნებართვა, ხოლო 2006 წელს 424 ობიექტზე.
აჭარის ეკონომიკისა და ფინანსთა სამინისტროს ინფორმაციით, მშენებლობის ნებართვების გაცემა აქტიალური ძირითადად მაინც ბათუმშია.
სამინისტროში აცხადებენ, რომ წელს მშენებლობის ნებართვა გაცემულია 320065,78 კვ/მ-ზე მაშინ როდესაც გასულ წელს მთლიანობაში ნებართვები 398412,46 კვ/მ-ი ფართობის მშენებლობაზე გაიცა.
